دموع مولاي

 

 

شفت   الدموع  اللي  على  خـد  مـولاي
يومه   حضن   طفـل   الشهيـد   بيدينـه
ذابت   وصال   القلـب   وتنهـد   النـاي
واطلق   سراح   الدمعه   اللـي  سجينـه
نبع   الحنان  اللي  بيطرب  لـه  غنـاي
ينبت    بأثر   وسمـه   زهـر   ياسمينـه
شيخ   الشيوخ   اللي   صليبيـن  بالـراي
لا  قال  رايه  ..  تصمت  اعتى مدينـه
ولي صاح من ضاقت به الدار مشكاي
وتلفتـت     روس     المعازيـب    ويـنـه
يفز    شيـخ    العـدل   ويقـول   يمنـاي
بترد    لـك   حقـك   وتنسـى   الضغينـه
قلبه    كبيـر    وشوفتـه   كنهـا   المـاي
لي  ساق  في  زهر  الغصون  الحزينـه
ودي    بشوفـه   واللقـاء   غايـة   منـاي
واهديه    نفـسٍ    فـي    غلاتـه   رهينـه
ليمن  نظرت  بشوق  في  وجه  مـولاي
اقرى  حروف  العطف  في وسط عينـه