إنسانية ملك و حكمة قائد

 

مهداة الى مقام سيدي انسانية ملك و حكمة قائد


 

خادم الحرمين الشريفين الملك الأب القائد / عبدالله بن عبدالعزيز آل سعود

اضرب  بعدلك  هامة  الظلم والجور
واحكم    بنصٍ    اعلنتـه   الشريعـه
قولك   وصلنا  وأشعل  قلوبنـا  نور
وحرفك   أمر  واليوم  واجب  نطيعه
حنا  جنود  ودونك  أنصفهـا  نحور
والـدار   نشري   أمنها   ما   نبيعـه
أنت  الحكيم  اللي  عبرنـا  به بحور
قدت   السفينه   والخطـاوي  سريعه
شيّدت  مبنى  لمبـدأ  العلم  والشور
رايك     سديـد    وحطنـا    بالطليعه
حكيم   فكر   وهرجتك  مابهـا  زور
مترفّـعٍ   عن   كل   نفـسٍ   وضيعه
ياقايـد   الأمـه   إلى   حل  محظـور
تقودهـا   صوب  الحصون  المنيعه
ياجامعٍ  شمل العرب بأحلك عصور
يامصلحٍ   بين   الخصـوم  الصنيعه
للدين  شيّـدت  المآذن  على الـدور
ودرّست  له  أهل  النفوس  الوريعه
وللعلـم   دربتَ   مهنـدس   ودكتـور
وبأمرتـك    كل    الأيـادي    مطيعه
أنت  المليك  اللي بناء لدارنـا سور
حصّن   حدود  الـدار  ويّا  الوسيعه
أنت  الوفي  اللي  ملا حبـك صدور
يوم   الوفـا   والطيب  عندك  طبيعه
وأنت  الحنون  اللي بتزهر بك البور
وابو   اليتيـم   اللي   بيذبـل   ربيعه
عون الكسير اللي من همومه يدور
والمعتـدي   يلقى   بحكمك   صريعه
خيرك  يعم  وينتشي  طيبـك  عطور
شبل   الإمام  ومنـه  خذت  الوديعه
اسألك    ياربي   تجـازيه   بالحـور
بجنـان   خلـدٍ   في   رياضٍ   بديعه
وختامها  صلوا  على  كامل  النـور
محمـد    المرسل   بنص   الشـريعه