بمناسبة تشريف خادم الحرمين الشريفين الملك /
عبدالله بن عبدالعزيز آل سعود
لحفل اهالي الرياض 10/1426هـ
ابتـدي بأسمك إلاهي يالطيف ويارحيمخالقٍ الكون سبحانك منـزل هالسكينـه ديرتي لبت تبايـع منهج العقـل السليم بالمحبه والمعزه ورث من غابر سنينـه سيدي لبيه وانت اللي سكنت بهالصميم في وسط قلب يعزك من عقب ربه ودينه واحتفل ليل الرياض بمقدمك يابن الزعيم والفرح يسكن قلوب الكل واسوار المدينه مرحبا بك سيدي ياقايـدالشعب الحكيم انت قايدنـا المظفر وانت ربان السفينه نحتفل بقدومك الميمون يالشيخ الكريم يا بن من وحد بلدنا من شمال ومن يمينه اسأل الله يسكنه في رحمته وسط النعيمويفتح الجنه على قبره وتبـرد به يدينه سيدي جيتك ابايـع بيعـة الدين القويم صادقٍ اوفي عهودي متبع ربي ودينهسيدي جيتك امد ايدي وامشي مستقيمخلف راية من حكم فينا وحنا مرتضينه ولايه اللي بينعق مثل بومـات العتيـمفكرهم فكر التخلف كل ابونا خابرينه لا وربي ما نصدق كل كـذّابٍ لئـيمينعق بمذايعٍ اخرق يكسر حدود السكينه ولا يهم اللي لفونا يغضبون اللي حليم فجروا حقد دفين وشَرْكهم جو ناصبينه وكيدهم عوّد عليهم من فضل ربٍ عظيم وانفلق صبح السلام وازهرت هالياسمينهسيدي كل الغلا لك وانت والـد لليتـيم ياذرا كل من لفاك ومدت ايدينـك تعينه كيف ابوفي بعض حقك يالزعيم ابن الزعيم يعجز اللشعر المقفى والمعاني جت تدينه |